Félag íslenskra þjóðernissinna stendur í dag fyrir námskeiði í körfugerð fyrir félagsmenn sína og aðra velunnara. Tilefni þessa námskeiðs er yfirstandandi aðgerðarleysi meðlima félagsins að undanförnu. "Það hefur verið heldur róleg starfsemin hjá okkur að undanförnu," segir Adolf H. Johnsen, talsmaður félagsins. "Aukið eftirlit með brottkasti hefur orðið til þess að margir félagsmanna okkar hafa verið kyrrsettir í landi og svo virðist bara vera of lítið af útlendingum á landinu sem stendur, þannig að það hefur verið lítið að gera. Því fannst okkur tilvalið að slá upp námskeiði svo strákarnir geti hist aðeins og slegið á létta strengi," bætti Adolf við.
Námskeiðshaldari er enginn annar en hinn frægi Ling Arnar Wei, sem hefur getið sér gott orð í faginu, bæði á Íslandi og í heimalandi sínu, Vietnam.
Námskeiðið verður haldið í húsakynnum Útlendingaeftirlitsins og er aðgangur ókeypis.
Vaxmyndirnar
af Ríó Tríó sem fundust í kjallara þjóðleikhússins á dögunum eru enn óseldar. Tilboð óskast sem fyrst.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.