Anders Fogh Rasmussen, forsætisráðherra Dana, þótti fara gersamlega yfir strikið í gær í Þjóðmenningarhúsinu þegar hann afhenti Davíð Oddssyni gamalt andrésblað með þeim orðum að það væri frumrit stjórnarskrár Íslendinga frá árinu 1874.
Sagði Rasmussen við þetta tilefni að 'saga Íslands' væri einn stór brandari og að Danir hafi hlegið sig máttlausa þegar Íslendingar öðluðust 'sjálfstæði' á sínum tíma. Þá tilkynnti hann að öll 'handritin' sem send voru til baka væru í raun sænskar mataruppskriftir sem átti hvort eð er að henda.
Til að kóróna þetta skoraði hann á forsætisráðherra (sem hann kallaði reyndar aldrei annað en Rasmus Klump) að drífa nú í að lögleiða cannabisefni til að Íslendingar búsettir í Danmörku gætu snúið heim.
Páfi
óskast í afleysingar. Nánari upplýsingar gefur upplýsingafulltrúi Vatíkansins á Íslandi.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.