Bandarískir hermenn í Írak hafa óskað eftir því við Bandaríkjastjórn að þeir fái að snúa aftur heim á næstu dögum. Hafa þeir gefið þá ástæðu að þeir séu búnir með nestið sitt.
"Við reyndum að borða það hægt, en það var ekkert mikið sem við fengum til að byrja með," sagði fulltrúi hermannanna, Texasbúinn Billy Bob Lewis (15). "Þegar við mættum á staðinn reyndum við náttúrulega að finna Makka eða Dominos eða eitthvað, en það er bara ekkert hérna."
Donald Rumsfeld varnarmálaráðherra Bandaríkjanna hefur þegar hafnað beiðninni og segir hann alla hermennina hafa fengið nesti og nýja skó við upphaf innrásar. Nestið hafi átt að duga út stríðið og hermennirnir geti bara sjálfum sér um kennt að vera svona gráðugir.
Dúllubossakvöld
frímúrara í kvöld kl. 21.00. Fjölmennum.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.