Birgi Ástríðarsyni, nuddara, hefur verið boðið að leika sjálfan Tinna í röð kvikmynda um þessa ástsælu teiknimyndahetju.
Birgir, sem getið hefur sér gott orð fyrir leik sinn með Litla leikklúbbnum á Ísafirði, er að vonum himinlifandi og hlakkar mikið til að takast á við hlutverkið, sem hann telur einkar krefjandi. Birgi hefur lengi dreymt um frama á erlendri grund, en hjólin fóru fyrst að snúast þegar hann kynntist bandarísku kvikmyndastjörnunni Ron Jeremy, sem stödd var hér á landi fyrir skemmstu.
Birgir hefur þegar samið um leik í þremur myndum: Tinitin does Congo, Tintin does Tibet og Tintin does America. Ekki er að fullu ljóst hverjir fara með önnur helstu hlutverk, þó líklegt þyki að Jeremy sjálfur leiki Kolbein kaftein.
Áætlað er að tökur hefjist næsta föstudag og ljúki seinnipart laugardags.
Exibisjónistar
Njótið þess að strippa án þess að þurfa að niðurlægja ykkur með því að þiggja fyrir það greiðslu. Fyrir okkur strippa allir frítt! Hestamannafélagið Blesi.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.