Teitur Arnarsson skrifstofumaður safnar nú yfirvararskeggi til minningar um ástsæla móður sína en hún lést síðastliðið haust. Teitur sem er 34 ára gamall hefur aldrei áður verið með skegg en ákvað að breyta til í tilefni þess að Anna Hansdóttir, móðir hans, hefði orðið áttræð þann 4. mars næstkomandi.
Anna, sem starfaði lengst af hjá verslunum KRON varð
þekkt á sjötta áratugi síðustu aldar er hún kom fram á ýmsum skemmtunum hér á landi sem "skeggjaða konan". Teitur kveðst stoltur af móður sinni enda ekki hver sem er sem á fræga foreldra.
GEFINS!
700 lítra tunna af þvottavélaló fæst gefins!
Á.k.y.h.s.p.m.
Einar.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.