Ásókn ættþyrstra í ættfræðigrunninn Íslendingabók hefur verið svo mikil þá fáu daga sem grunnurinn hefur verið aðgengilegur á Netinu að vélbúnaður sá sem notaður var við að keyra grunninn (1.2i 16V 75 hestafla vél úr Chrysler Thunderstring '83) bræddi úr sér! Að sögn Friðriks Skúlasonar, vélstjóra, standa nú yfir samningaviðræður við partasöluna Volvóparta í Kópavogi um kaup á nýlegri vél úr Volvo FL 618 (6 Cyl Turbo/Intercooled Diesel), og vonast hann til að grunnurinn verði kominn í lag von bráðar.
Til sölu
Til sölu fallegur Range Rover, árgerð 2008 ekinn 2km. Skipti á bleiu koma til greina.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.