Samtökin "vinir útblástursins" hafa sæmt Siv Friðleifsdóttur, umhverfisráðherra, "stórblásarakrossinum", en hann er æðsti heiður sem samtökin veita.
Viðurkenningin hefur einungis einu sinni verið veitt áður, en það var Einar Einarsson, sorpbrennslustjóri í Vestmannaeyjum og sá sem fann upp "hjólbarðaofninn" svokallaða, sem hlaut þau árið 1979.
"Ég er mjög hrærð yfir þessari viðurkenningu og lít á hana sem hvatningu til áframhaldandi góðra verka", sagði Siv við afhendinguna.
Atvinnurekendur!
Vorum að taka upp glænýja sendingu af írskum þrælum. Gott verð, góð þjónusta.
Þrælaverslun Hafliða - Garðabæ
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.