Flokkur tækifærissinna kynnti i dag fyrirhugað framboð í komandi alþingiskosningum. Listann leiðir ræðismaður Botswana á Íslandi, Eyþór Arnalds, en efstu sæti listans skipa annars:
1. Eyþór Arnalds, ræðismaður
2. Jakob Frímann Magnússon, trúður
3. Árni Johnsen, glæpamaður
4. Bubbi Morthens, tónlistarmaður
5. Fjölnir Þorgeirsson, stjarna
Meðal helstu stefnumála eru opnun Íslensks sendiráðs í Botswana, ríkisframlög til popphljómsveita sem starfað hafa lengur en 25 ár og stórbættur aðbúnaður í íslenskum fangelsum. Á sviði menntamála er gert ráð fyrir að innleiða boxkennslu sem skyldugrein í grunnskóla og setja á fót fyrirsætubraut í fjölbrautaskólum.
Hringborð
fæst gefins. Vel með farið en nokkuð plássfrekt. Hentar vel stóru og meðalstórum hópum riddara.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.