Íslenskur draugur, Hofstaðamóri, hefur skrifað undir samning við framleiðendur hinna geysivinsælu þátta 'ER' eða Bráðavaktarinnar, um leik í þáttunum í vetur.
"Jú, það er rétt. Ég mun verða fastráðinn sem lík í þessari seríu," sagði Hofstaðamóri rogginn. "..þetta er í raun spurning um hagræði, þeir spara farða og svoleiðis og svo verð ég eitthvað í því að hræða langveiku leikarana svo þeir verði fölari."
Hofstaðamóri er ekki fyrsti íslenski draugurinn sem ratar á hvíta tjaldið ytra. Þegar hafa þeir Ingvar 'Engeyjarmóri' Sigurðsson og Hilmir 'Snærill' Guðnason spreytt sig þar með góðum árangri.
Vesturbæingar athugið
Glúónur, bósónur, gravitónur! Ferskar og ilmandi.
Sparkaup.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.