Mjög líklegt er talið að hryðjuverkaárásir muni eiga sér stað á morgun, 11. september, á Bandaríkjamenn og staði þar sem Bandaríkjamenn eiga hagsmuna að gæta. Þetta er haft eftir Solomon Goldstein, einum helsta ráðgjafa Bandaríkjastjórnar í forvörnum gegn hryðjuverkum.
"Eins og við vitum gera hryðjuverkamenn alltaf árásir á merkum dögum," sagði Solomon í spjalli við Baggalút. "Til dæmis réðust þeir á Bandaríkin þann 11. september í fyrra! Það er þetta sem á eftir að gera okkur mun auðveldara að hindra hryðjuverk í framtíðinni."
Solomon hefur tekið saman athuganir sínar í gegnum árin og gefið út í bók sem kemur á markað í Bandaríkjunum í dag. Bókin ber nafnið "Hryðjuverkamenn eru fífl (sérstaklega arabar)" og er reiknað með að hún seljist afar vel.
Jarðarbúar athugið
Á þriðjudaginn kl. 17 munum við taka yfir plánetuna ykkar og drepa ykkur öll. Leifar ykkar verða notaðar sem áburður fyrir risastóra tómatinn sem við dýrkum sem guð. - Marsbúarnir
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.