Jón Kristjánsson heilbrigðisráðherra mun taka við starfi Sifjar Friðleifsdóttur umhverfisráðherra á meðan gengið er frá þeim málum sem snúa að virkjunum. Er þetta gert til að leysa megi úr þessum málum á sem friðsamlegastan og fyrirferðaminnstan hátt.
"Þetta er alveg brilljant," sagði Sif í spjalli við Baggalút. "Það tekur aldrei neinn eftir Jóni, hvað þá að störf hans veki nokkra athygli. Þess vegna er ég viss um að þetta verður til þess að virkjanamálin geti klárast svo lítið beri á."
Á meðan á þessu stendur mun Sif leysa Jón af í starfi heilbrigðisráðherra. Hyggur hún á ýmsar breytingar í heilbrigðiskerfinu meðan hún sinnir starfinu "... enda aldrei nein ládeyða í mér, hahahahaha."
Karlkyns sjáandi
með gott samband við ríflega 100 lífstjörnur óskar eftir að komast í samband við góða, skilningsríka konu á miðjum aldri. Má gjarnan reykja.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.