MÍMS SÝNIR
VÖLUSPÁ BAGGALÚTS FYRIR ÁRIÐ 2004

>>Hvernig spáin var unnin

Margar af hinum fjölmörgu Völvu- ellegar framtíðarspám sem settar eru fram um hver áramót eru eins og alþjóð veit unnar af fúskurum, svikahröppum og/eða blaðamönnum. Þessar spár er því álíka mikið að marka og Þjóðhagsspá Fjármálaráðuneytisins, þ.e.a.s. þær ætti aðeins að lesa sem dægradvöl og skemmtiefni.

Ólíkt slíkum annars flokks spám er Völuspá Baggalúts fyrir árið 2004 unnin á hávísindalegan hátt.

Öllum helstu sjáendum landsins var safnað saman í leynilega stjörnusambandsstöð Eimskipafélags Íslands, þar sem tekið var af þeim stafrænt heilalínurit meðan félags-, mann- og hagfræðingar á vegum Seðlabankans ræddu við þá um framtíðarhorfur.

Úr heilalínuritum sjáendanna var unnið í einni af ofurtölvum Veðurstofunnar sem lánuð var til verksins - og kunnum við Veðurstofustjóra bestu þakkir fyrir. Við tölvuna hafði verið tengdur útfrymishraðall sem nam athugasemdir frá ýmsum sérfræðingum sem farnir eru yfir móðuna miklu, s.s. Jóni Sigurðssyni, Hannesi Hafstein og Dr. Helga Pjeturs, og tók sérsmíðað spáforrit vísindamanna Baggalúts sjálfkrafa tillit til þeirra við útreikningana.

Spáin var að lokum prentuð út og prófarkalesin af Gísla miðli - til að tryggja að hún væri 100% rétt.

SMELLTU HÉR TIL AÐ LESA SPÁNA

BAGGALÚTUR.IS