MÍMS SÝNIR
VÖLUSPÁ BAGGALÚTS FYRIR ÁRIÐ 2004
>>Innlent - Stjórnmál
Davíð Oddsson veldur Sjálfstæðismönnum nokkrum vonbrigðum þegar hann tekur þátt í formannskjöri Framsóknarflokksins, sigrar Halldór Ásgrímsson með yfirburðum og tekur við forsætisráðherrastólnum af sjálfum sér.
Össur fitnar.
Erlend hryðjuverkasamtök ræna Steingrími Hermannssyni og krefjast lausnargjalds. Þegar engin viðbrögð hafa borist frá íslenskum stjórnvöldum eftir hálft ár er honum skilað endurgjaldslaust.
Ingibjörg Sólrún er ávítuð af forseta alþingis fyrir að reyna ítrekað að koma þingmönnum Samfylkingar fyrir kattarnef í þeim tilgangi að taka sæti þeirra sem varaþingmaður.
>>Innlent - Íþróttir
Vilhjálmur Einarsson tekur fram skóna á ný og hlýtur gullverðlaun á Ólympíuleikunum.
Sterkasti skákmaður Norðurlanda, Jóhann 'Grimmi' Hjartarsson er sviptur skákréttindum eftir að óeðlilega hátt hlutfall af kóbalti mælist í þvagi.
Atli Eðvaldsson tekur að sér það krefjandi verkefni að leiða B-lið borðtennisfélagsins Högna frá Súðavík til sigurs gegn C-liði Reynis, Hnífsdal.
Guðmundur Stephensen hlýtur silfurverðlaun á Ólympíuleikunum eftir að hafa tapað naumlega fyrir bandarísku risatölvunni 'Deep Purple'.
>>Innlent - Tónlist
Kristján Jóhannsson verður fyrir því óláni að springa í loft upp þar sem hann syngur 'Hamraborgina' af svölum Ísafoldarhússins.
Björk Guðmundsdóttir semur stuðningslag landsliðs Íslands í handknattleik 'Tremophonic Gesturizing Ball'
GUSGUS heldur stöðu sinni sem vinsælasta hljómsveit landsins.
Sinfóníuhljómsveit Íslands er loksins lögð niður.
Jólalag Baggalúts gerir allt vitlaust - fjórða árið í röð!
>>Innlent - Menning
Arnaldur Indriðason veldur lesendum sínum talsverðum vonbrigðum með skáldsögunni 'Læknirinn gerði það'.
Hólmfríður Karlsdóttir gefur út opinskáa ævisögu sína á árinu þar sem meðal annars koma fram alvarlegar ásakanir á hendur móður hennar og ömmu um meint harðræði við klarínettuæfingar.
Baggalútur verður kosinn maður ársins á Rás2, annað árið í röð - með öllum greiddum atkvæðum.
Hannes Gissurarson hlýtur hin eftirsóttu Nóbelsverðlaun í bókmenntum fyrir annað bindi ævisögu Halldórs Guðjónssonar frá Laxnesi, 'Í rúminu heima'.
>>Innlent - Vísindi
Íslensk Erfðagreining einangrar gen sem veldur gjaldþrotum fyrirtækja úr þvagi Kára Stefánssonar. ÍE hlýtur áfangagreiðslu frá sænska lyfjafyrirtækinu Roxette.
Byggðastofnun hagnast gríðarlega þegar eilífðarvélin ICEPERPET slær í gegn.
Íslenskir stjarnvísindamenn uppgötva halastjörnu á stærð við tennisbolta sem stefnir hraðbyri á landið. Hún hlýtur nafnið 'Vigdís'.
>>Innlent - Fræga fólkið
Frægðarsól Birgittu Haukdal heldur áfram að rísa og er hún alvarlega orðuð við embætti biskups Íslands. Samband hennar og Megasar verður mikið milli tannanna á fólki næsta haust.
Vigdís Finnbogadóttir er endurkjörin forseti lýðveldisins, Ólafur Ragnar dregur sig í hlé og helgar sig Gyðingdómi.
Linda Pétursdóttir mun ganga að eiga bandaríska tónlistarmanninn Tommy Lee, til að viða að sér efni í næstu bók sína.
Dorrit Mousaief kemur fram fyrir Íslands hönd í Evróvisjón söngvakeppninni - hún mun að líkum syngja lag eftir Einar Bárðarson eða Labba í Mánum.
>>Innlent - fjölmiðlar
Ákvörðun Markúsar Arnar Antonssonar um að stjaksetja kommúnista úr starfsliði RÚV í beinni útvarpsútsendingu á föstudaginn langa veldur nokkrum titringi.
Félagarnir Jón Steinar Gunnlaugsson og Hannes Gissurarson fá langþráð tækifæri til að skrifa áramótaskaup sjónvarpsins, Ómar Ragnarsson leikstýrir. Bessi Bjarnason leikur.
Illugi Jökulsson er rekinn sem ritstjóri DV eftir að hann reynir að skrifa gáfulega grein í blaðið, undir dulnefni.
>>Innlent - Viðskipti
Björgólfsfeðgar opinbera leynilega Stjörnusambandsstöð undir Vatnajökli. Nafni Eimskipafélagsins er um leið breytt í Geimskip hf..
Bjarni Ármannsson, forstjóri, fær Playstation 2 leikjatölvu í fermingargjöf.
Jón Ásgeir Jóhannesson lætur mikið að sér kveða á árinu, hann sölsar m.a. undir sig Adidas, Coca-Cola og McDonalds en gerir síðan afdrifarík mistök þegar hann gleymir að greiða stöðumælasekt og er dæmdur til dauða af ríkisstjórn Davíðs Oddssonar.
Ítalska verktakafyrirtækið Impregilo rambar á barmi gjaldþrots eftir að upp kemst að það hefur reynt að stífla Kárahnjúka með klósettpappír.
>>Innlent - Heimsendaspá
Risagos í Kröflu færir allt norðurland undir hraun, nema Raufarhöfn þar sem Gunnar í Krossinum er staddur fyrir tilviljun. Hann mun upp frá því vera þekktur sem Eldklerkur hinn síðri.
Meðlimum Sigur Rósar vaxa vængir.
Landssíminn er seldur.
Hjartaknúsarinn Hallbjörn Hjartarson getur barn með hinni dökklokkuðu Leoncie - sannast með því spádómar Inka um hinn tónlistarlega and-krist, sem getið er í fornum handritum:
Paroz II. 27-30: "Og sjá hinn ómstríði mun koma úr norðri og færa tónlistarmenningu heimsbyggðarinnar allrar niður á áður óþekkt plan lágkúru. Tvær áttundir glatast að eilífu."
>>Erlent - Stjórnmál
George Bush endurkjörinn forseti Bandaríkja Norður Ameríku eftir að nokkur fylki hverfa af yfirborði jarðar á síðustu klukkustundum talningar.
Elísabet Bretlandsdrottning fellur fyrir eigin hendi, eftir að Karl sonur hennar tjáir henni að hann vilji líka verða 'drottning'.
Saddam Hussein er eftir snörp bráðaréttarhöld komið lifandi fyrir í grunni hæstu byggingar veraldar sem rísa mun á Manhattan.
>>Erlent - Íþróttir
Dvergakast kvenna vekur mikla lukku sem sýningargrein á Ólympíuleikunum í Aþenu.
Michael Schumacher endurnýjar samning sinn við Djöfulinn til 10 ára.
Bandaríkjamenn hljóta tvenn gullverðlaun á Ólympíuleikunum.
Liverpool verður enskur meistari í knattspyrnu.
>>Erlent - Fræga fólkið
Astrid Lindgren snýr aftur úr gröfinni til að stöðva son sinn, Dolph, sem er í þann mund að gera samning við Warner Bræður um gerð myndarinnar 'Pippi vs. Godzilla'.
Margir hneysklast á opinskárri og einkar erótískri sjálfsævisögu Margrétar Thatcher, 'Deep Inside the Iron Maiden'.
Eftir að Paul McCartney smitast af bráðaholdsveiki af eiginkonu sinni og deyr - gefur Ringo Starr út 'Sergent Peppers Lonely Heart Club Band: Naked' þar sem öll lögin plötunnar eru leikin samkvæmt upprunalegri hugmynd hans, á C-dúr munnhörpu og Ukulele.
Michael Jackson gefur út erótísku hljómplötuna: 'Blowing Bubbles - a Zoophilic experience'.