Baggalútur

Útgáfubækur

Ólafur Jóhann Ólafsson

Það er mikill heiður fyrir Baggalút að gefa nú út nýjasta stórvirki Ólafs Ólafssonar kaupsýslumanns. Bókin fjallar á gamansaman, en jafnframt átakanlegan máta um lítinn sel, Orra að nafni, og ævintýri hans í íshafinu.

Þetta er sjálfstætt framhald fyrri bóka höfundar; "Brennu-Njáls sögu" og "Hnísu í undralandi".

Leiðbeinandi verð: 62.000 kr.

2/12/03 Útgáfa

Brot:

Nú er að segja frá Skarphéðni að hann hleypur út á þvertréið þegar á eftir Kára. En er hann kom þar er mest var brunnið þvertréið þá brast niður undir honum. Skarphéðinn kom fótum undir sig og réð þegar til í annað sinn og rennur upp vegginn. Þá reið að honum brúnásinn og hrataði hann inn aftur. Skarphéðinn mælti þá: "Fokk!"

Gekk hann þá fram með hliðvegginum.

Gunnar Lambason hljóp upp á vegginn og sér Skarphéðinn. Hann mælti svo: "Ertu að grenja Skarphéðinn?"

"Nautsj," segir Skarphéðinn, "...bara með eitthvað í auganu sko. Ertu að hlæja að mér asninn þinn?"

"Amm," segir Gunnar, "ég hef ekki hlegið svona svakalega síðan þú buffaðir Þráin á Miklubrautinni."

Skarphéðinn mælti: "Djöfull ertu alltaf ömurlegur, hafðu þetta!"

Tók hann þá jaxl úr pússi sínum er hann hafði höggvið úr Þráni og kastaði til Gunnars og kom í augað svo að þegar lá úti á kinninni. Féll Gunnar þá ofan af þekjunni.