Fór nú fyrir stundu með glóðvolgan undirleik kammersveitar Reykjavíkur af glænýju jólalagi Baggalúts heim til einnar af okkar fjölmörgu heimsfrægu söngdrottningum. Hún féllst á að syngja lagið af greiðasemi við Kaktuz, sem á sínum tíma kom henni á framfæri, þó henni þætti bæði textinn 'teprulegur' og lagið sjálft 'ofsalega vemmilegt'.

Allt er til reiðu fyrir upptökur um helgina, en þær fara að venju fram í stærsta og fullkomnasta hljóðveri landsins, sem staðsett erí Breiðholtinu.

Sem sönnum dívum sæmir bað sönkonan um fáeina illfáanlega hluti sem eiga að vera til reiðu í hljóðverinu, þannig að ef einhver rekst á hálft kíló af tyrkneskri kalkúnakæfu, kólumbíska kókahóstasaft, fölbleikt angóruhandklæði eða Geira Sæm - er sá hinn sami beðinn að hafa samband við mig hið snarasta.

Vinnuheiti lagsins er 'Litla stúlkan með eldvörpuna'.