Þá er ég loksins kominn til Lundúna, eftir erfiða ferð á 4. farrými flugs FI450 með Flugleiðum. Ég er hér í opinberum erindagjörðum, en yfirstjórn Baggalútssamsteypunnar hefur krafist þess að ritstjórn komist að því í hvað allir peningarnir sem sendir hafa verið Dr. Herbert H. Fritzherbert, fréttaritara útgáfunnar í útlöndum, hafa farið. Þeir voru ætlaðir til fréttaöflunar og fræðistarfa ýmiskonar, en grunur leikur á að þeim hafi verið sólundað í eitthvað allt annað.

Þegar þetta er ritað er ég staddur á internetkaffihúsi hér í miðborginni, en leið mín liggur næst þangað sem Dr. Herbert ku leigja sér herbergi. Við sjáum hvað setur.