Lesbók10.10.01 — Fannar Númason Fannsker

Ég brá mér í sundlaugar í fyrir skömmu, sem er sosum ekki færandi í frásögur þar sem ég stunda slíka heilsurækt af kappi. Það sem er í frásögur færandi, hinsvegar, er að til tilbreytingar fór ég að kveldi þar sem ég hafði verið upptekinn á mínum vanalega sundtíma. Ég var sumsé mættur til að synda minn reglulega sprett klukkan hálfníu. Vanalega þar sem ég stend og sápa á mér kroppinn standa karlmannlegir menn í sturtum sínum allt í kringum mig og er ég ekki frá því að slíkt fylli mig öryggistilfinningu og gott ef ekki trú á karlmannleg gildi, ásamt sjálfstrausti yfir eigin sköpulagi. En slíku var ekki að heilsa umrætt kvöld. Í sturtunni á móti mér stóð fínlegur karlmaður á þrítugsaldri og þakti blautan líkama sinn með freyðandi baðsápu. Hann snöri sé svo við og strauk sér frá hvirfli til ilja, að því er virtist til að ná betur af sér sápunni. Þar sem ég stóð og fylgdist með "sýningu" þessari rann upp fyrir mér ljós: maðurinn var augljóslega kynvillingur! Ég kallaði því þvert yfir sturtuklefann: "fyrirgefið ungi maður, ertu kynvillingur?" Hann svaraði mér engu heldur mundaði löngutöng þannig að hún myndaði tákn það sem skilja má á einn veg: "farðu í rass og rófu". Þar sem ég stóð og virti þennan annars myndarlega karlmann fyrir mér, velti ég vöngum yfir því hvort það væri ekkert óeðlilegt við það að kynvillingar böðuðu sig meðal heilbrigðra. Svo ég spurði manninn á nýjan leik: "þykir þér eðlilegt að þú fáir að baða þig meðal heilbrigðs fólks og góna á það til að uppfylla sjúklegar kynþarfir þínar?" Þá skipti engum togum að kynvillingurinn gekk þvert yfir klefann, rak mér einn á lúðurinn og sagði: "sjálfur geturðu verið kynvillingur!" Afneitun er skiljanleg þegar menn þjást af kvillum sem þessum og mér brá sosum ekki við þetta, hinsvegar mælti ég til hans þar sem hann strunsaði út í laug: "þið ættuð að vera í sérklefum helvítis svínin ykkar".

Nú hefi ég ekkert á móti þessu fólki og hefi margsinnis notið selskapar fólks af þessu sauðahúsi, bæði í samkvæmum og á knæpum ætluðum kynvillingum, en er þetta eðlilegt? Á ég ekki bara að ryðjast inn í kvennaklefana og þvo mér andstætt vilja þeirra sem þar dvelja undir venjulegum kringumstæðum? Spyr sá sem ekki veit.

Góðar stundir.

Nú geturðu sent Fannari tölvupóst!

 
Enter — Forystugrein
 
Enter — Forystugrein
 
Númi Fannsker — Dagbók
 
Enter — Forystugrein
 
Enter — Forystugrein
 
Enter — Forystugrein
 
Enter — Forystugrein
 
Enter — Forystugrein
 
Enter — Sálmur
 
Enter — Forystugrein
 
        1, 2, 3, 4 ... 180, 181, 182