Búinn að dúsa í sóttkví á Heathrow flugvelli í rúma viku eftir að hafa verið bitinn af emúa um borð í Vigdísi. Bretarnir héldu umsvifalaust að ég væri með kúariðu þegar ég tölti froðufellandi út úr endurheimtingu fragtfarangurs. Andskotans vitleysingar. Svo er maður látinn dúsa vikum saman í bráðabirgðasóttkví læstur inn í svokölluðum 'Lost and Found' geymslum. Mér tókst loks í gær að byggja tölvu úr seremóníði, spægipylsu og reipi, en nettengingin var aðeins snúnari. Ég get amk fullyrt að svínagarnir eru mun betri digital leiðarar en skóreimar. Það var mikill léttir að komast í samband við rafrænan raunveruleika og mátti ekki seinna vera, enda leiðari næstu viku í húfi.