Mikið er kaffi góður drykkur. Það jafnast fátt á við nýlagað kaffi. Sérstaklega er Spesi mikill snillingur í að laga bragðhressandi uppáhelling. Hann hefur eitthvað í sér blessaður sem við hin þekkjum ekki. Einhverja gáfu fyrir kaffi. Merkilegt. Hinsvegar jafnast EKKERT á við eþíópíska kaffið sem blaðakonan geðþekka bauð okkur upp á um daginn. Það var gott kaffi. Hún átti reyndar afmæli blessunin í gær. Ég komst ekki vegna mikilla anna, en vildi að ég hefði nú haft rænu á að óska henni til hamingju með daginn. Ég er viss um að hún hefur boðið upp á kaffi í veislunni - ef til vill perúskt, nú eða zambískt.