Bölvaðir séu þeir félagar mínir í ritstjórn! Nú skil ég hvers vegna þeir þurftu að fara tveimur vikum á undan mér frá sumarbúðum okkar Noregi! Þeir ætluðu sko ekkert "að skoða París" eða "skreppa norður á Blönduós", ónei. Þeir voru að fara beint á ritstjórnarskrifstofuna að endurskipuleggja starfsemina.

Og hver er afraksturinn? Jú, þetta er orðið svo nýmóðins og framúrstefnulegt að maður finnur ekki nokkurn skapaðan hlut. Hvar er t.d. gómsjáin sem ég var að smíða? Eða heildarútgáfan með orðskýringum af "Sköflungahringnum" eftir Scramban?