Lesbók12.06.02 — Enter

Ég er verulega sár. Í gær gerði ég mér ferð til Írlands til að fagna brúðkaupi góðs vinar míns, Pauls MacCartneys. Mér hafði reyndar ekki borist boðskort, en ég tók það ekki nærri mér því ég vissi að í mörg horn var að líta hjá brúðhjónunum og því ekki furða að svoleiðis smotterí gleymdist.

Nema hvað, þegar ég kom að Lesley kastalanum í gær mætti mér ekkert annað en skætingur frá treggáfuðum dyraverði og mér vísað á braut, jafnvel þó ég framvísaði fermingarmynd af okkur félögunum. Ég greip þá til örþrifaráða og reyndi að klifra yfir kastalamúrinn, því ég var seinn fyrir og mátti ekki vera að neinni vitleysu. En þá vildi ekki betur til en svo að grimmdarlegur blóðhundur þefaði mig uppi og beit mig í kálfann - ég emjaði svo ógurlega að tvær svartklæddar górillur heyrðu til mín og fleygðu mér öfugum út. Ég mátti svo eyða nóttinni í boði írsku ríkislögreglunnar.

Ég veit vel að þetta er ekki honum Paul að kenna, en mig grunar þó innst inni að máske hafi einfætta herfan snúið honum gegn mér - rétt eins og helvítið hún Linda hérna um árið. Við sem ætluðum í lax í sumar.

 
Enter — Forystugrein
 
Enter — Forystugrein
 
Enter — Sálmur
 
Númi Fannsker — Forystugrein
 
Enter — Sálmur
 
Spesi — Forystugrein
 
Númi Fannsker — Forystugrein
 
Enter — Forystugrein
 
Enter — Forystugrein
 
     1, 2, 3 ... 180, 181, 182