Lesbók11.11.02 — Dr. Herbert

Nú þegar umræða um hryðjuverk og styrjaldir er í hámarki er ekki úr vegi að staldra örlítið við og velta fyrir sér tilgangi hennar og merkingu. Umræðan um hryðjuverk tók eðlilega mikinn kipp á Vesturlöndum í kjölfar atburðanna í Bandaríkjunum, 11. september 2001. Síðan þá hefur hugtakið verið notað ótæpilega í fjölmiðlum og þeir sem áður voru nefndir skæruliðar eða glæpamenn hafa orðið að sætta sig við að vera kallaðir hryðjuverkamenn í tíma og ótíma. Nú á dögum er t.a.m. ekki óalgengt að heyra þjóðhöðingja tala um fólskulegar hryðjuverkaárásir á (saklausa) hermenn og hernaðarmannvirki þeirra. Margir lesendur hafa sett sig í samband við ritstjórn Baggalúts og óskað eftir frekari útskýringum á hugtakinu hryðjuverk og hvaða skilyrði þarf að uppfylla til að teljast fullgildur hryðjuverkamaður. Þessum spurningum er auðsvarað: Hryðjuverk nefnist sá verknaður sem felur í sér beitingu ofbeldis gagnvart saklausu fólki til að vekja athygli á málstað sem tengist fórnarlömbunum ekki á nokkurn hátt. Hryðjuverkamaður er einstaklingur sem fremur hryðjuverk og gengst við því. Í framhaldi af þessum skilgreiningum hef ég útbúið lista af 5 mestu hryðjuverkamönnum samtímans (Í stafrófsröð):

Bin Laden, Osama
Osama Bin laden er einn kunnasti og illræmdasti hryðjuverkamaður þessarar aldar, þekktastur fyrir árásir sínar á saklausa borgara í Bandaríkjunum 9/11. Hefur barist fyrir nokkrum óljósum málstöðum, s.s. Islam og Anti-Amerikanisma. Osama er áhugamaður um húsgagnasmíði og einn besti vinur hans er innanhússarkitekt.
Helstu hryðjuverk:
9/11 (Um 2000 saklausir borgarar miskunnarlaust drepnir), World Trade Center (1993), ýmis bandarísk sendiráð.
Menntun og fyrri störf:
Verkfræðingur (King Abdul Aziz University), heimilislaus auðkýfingur, málaliði hjá CIA.

Bush, George Jr
Það er í þessu samhengi ekki hægt að ganga fram hjá forseta Bandaríkjanna. Bandaríkin hafa frá lokum síðari heimsstyrjaldarinnar ráðist inn í 21 ríki og í þeim drepið fleiri saklausa borgara en nokkur önnur þjóð. Lesendum til glöggvunar þá eru þær þjóðir sem orðið hafa fyrir barðinu á þessu hernaðarveldi hér taldar upp: Kína(1945-46,1950-53), Korea (1950-53), Indonesia(1958), Kúba(1959-61), Congo(1964), Peru(1965), Laos(1964-73), Víetnam (1961-73), Cambodia(1969-70), Líbanon(1983-84), Grenada (1983), Líbya(1986), El Salvador(~1980-1990), Nicaragua(~1980-1990), Panama(1989), Bosnia(1985), Sudan (1998), fyrrum Júgóslavía(1999), Írak (1991-2???) og loks Afghanistan (1998, 2001-2002). Geri aðrir betur. George er mikill pabbastrákur og leitar gjarnan ráða hjá George eldri.
Helstu hryðjuverk :
Tók yfir 200 fanga af lífi í fylkisstjóratíð sinni í Texas (tölfræðin segir okkur að amk 30% hafi verið saklausir af glæpum sínum). Varpaði ótal sprengjum á fátækasta ríki heims á þessu (og síðasta) ári.
Menntun og fyrri störf:
Stundaði nám við grunnskóla, bílasali, fylkisstjóri Texas.

Hussein, Saddam
Illur maður með mikilmennskubrjálæði. Hefur ítrekað náð endurkjöri sem Íraksforseti með yfir 99% atkvæða eftir að hann innleiddi lýðræði í Írak. Drepur fólk að gamni sínu og borðar lítil börn í morgunmat. Hefur mjög takmarkaðan húmor. Saddam er mikill sælkeri og hefur gaman af matargerð.
Helstu hryðjuverk:
Aflífar að meðaltali 3 á dag.
Menntun og fyrri störf:
Cand Med. (sérhæfing í hjartaskurðlækningum), Phd stjórnmálafræði, MBA fjölnota gráða, Phd lífefnafræði, Phd stærðfræði, Phd heimspeki, BA í kynjafræðum við Háskólann í Baghdad. Hefur aldrei unnið neitt svo vitað sé.

Finnbogadóttir, Vigdís
Vigdís er fulltrúi kvenþjóðarinnar, svo og okkar Íslendinga á alþjóðlegum hryðjuverkamarkaði. Verðugur fulltrúi beggja hópa.
Helstu hryðjuverk:
Forsetastörf í þágu íslenska lýðveldisins.
Menntun og fyrri störf:
Cand Eld diplom frá Húsmæðraskólanum. Sjálfmenntuð leikkona og stjórnandi. Leikhússtjóri.

Sharon, Ariel
Ariel Sharon er mjög gott dæmi um hryðjuverkamann sem hreykir sér af verkum sínum. Ólíkt andstæðingi sínum, Arafat sem núorðið fellur í skugga hans, gengst hann stoltur við verkum sínum og er mjög ákafur í að koma í veg fyrir frið og sættir. Aríel hefur mikið dálæti á ofbeldi og ofbeldisverkum. Uppáhaldsleikari hans er Bruce Willis.
Helstu hryðjuverk:
"Qibya massacre" 1953 (61 látnir, þar af helmingur konur og börn), Innrásin í Lebanon 1982 (hundruðir saklausra borgara létu lífið fyrir tilstilli Ísraelshers).
Menntun og fyrri störf:
Svarta Beltið í Karate. Bakari.

 
Enter — Forystugrein
 
Enter — Sálmur
 
Númi Fannsker — Forystugrein
 
Enter — Sálmur
 
Spesi — Forystugrein
 
Númi Fannsker — Forystugrein
 
Enter — Forystugrein
 
Enter — Forystugrein
 
Enter — Sálmur
 
     1, 2, 3 ... 180, 181, 182