Jæja, þá er heilsan komin í samt lag, upp að vissu marki. Ef mig hefði grunað að kólera gæti verið svona þrálát, þá hefði ég aldrei tekið þátt í þessum tilraunum á sínum tíma. Jæja, þýðir ekki að sýta það.

Á morgun fögnum við á ritstjórninni upprisu frelsarans á viðeigandi hátt, með ferðalagi í Skálholt. Mikið verður það indælt.

Annars sitjum við Enter einir hér á kaffistofunni, hinir eru úti að kasta á milli. Þetta er afar róleg stund sem við eigum hér, en betra væri nú ef Enter væri ekki alltaf með þessa stæla. Nú lætur hann til dæmis eins og hann sjái mig ekki...