Hann er ljóti skíthællinn hann Hafþór Hubner. Enn einu sinni hefur hann ruðst inn á ritstjórnarskrifstofu Baggalúts og bíað þar allt út. Að þessu sinni mun hann, auk venjulegs óþrifnaðar, hafa stolið mikilvægum gögnum þannig að starfsemi Baggalúts lamaðist algerlega í tæpan sólarhring. Það er skelfilegt til þess að hugsa hversu margir lesendur okkar hafa snúið sér til falsmiðla eins og mbl.is og visir.is. Ég býst þó við að okkur takist að endurheimta stærstan hluta þess hóps nú þegar Enter hefur af sinni alkunnu snilld endurskrifað megnið af hinum glötuðu gögnum og móðir mín er langt komin með að þrífa eftir skúrkinn.