Loksins hefur hin íslenska þjóð stigið fram og sagt " Hingað og ekki lengra, spillingu burt !!! !Mál hins fyrrverandi þingmanns frá Vestmannaeyjum og viðbrögðin við því sýna svo ekki verður um villst aðíslendingar eru tilbúnir að leggja sitt að mörkum til að skapa okkur öllum sanngjarna aðstöðu í lífinu. Í starfi mínu sem vagnsjóri hefi ég kynnst mörgum kynlegum kvistum úr öllum stigum þjóðfélagsins og hinum ýmsu birtingarformum mannlegs eðlis. Eitt það furðulegasta sem ég uppgötvaði varð á vegi mínum þar sem ég ók sem leið liggur niður hlíðahverfi framhjá Menntaskólanum við Hamrahlíð. Þar biðu mín á stoppistöðinni einatt ungir námsmenn og meyjar þreytt en sæl eftir lærdóm dagsins. Þrátt fyrir að nærvera og lífsgleði unga fólksins væri mér alltaf upplyfting gat ég ekki varist þeirri hugsun að hér væri ekki allt með felldu.Eftir að hafa keyrt þessa leið um nokkurn tíma varð ég var við að þarna á móti menntaskólanum við sömugötu er staðsett önnur stofnun. Sú stofnun sem flestir þekkja í daglegu tali sem "Hús Blindingjana". Þar er til húsaýmis starfsemi blindingja svo sem nudd og körfusmíðar en einnig eru þar sérútbúnar vistarverur fyrir blindrinin. Ekkert svo sem við það að athuga enda var þetta um sumar. Þegar daginn tók að stytta með haustinu og ferðirnarseinnipartinn voru farnar í myrkri því sem næst, rann upp fyrir mér ljós. Nánar tiltekin ljós þeirra blindu. Hús blindingjana er lýst upp allan sólahringinn fyrir skattfé Almennings!!!. Nú er ég siðaður maður og tel sjálfsagt að styðja við bakið á þessu fólki en er hér ekki um hreint og beint bruðl að ræða? Því legg ég til að þetta verði stöðvað af réttum yfirvöldum hið fyrsta og ljósin slökkt í húsi blindra.