Á göngu minni yfir Njarðargötuna í hádeginu varð mér starsýnt á konu sem stóð álengdar og var að bisa við að fiska áldós af Sprite-gerð upp úr rusladalli.
Ég gekk til hennar og spurði hvað hún vildi með dósina, en fékk ekkert svar - aðeins illyrmislegt augnaráð.
Mér er spurn; hvað getur kona á besta aldri viljað með slíka dós að gera? - er þetta sjúkleg söfnunarárátta, eða hrein geðbilun?
Eða liggur annað og meira hér að baki? Liggja e.t.v. verðmæti í slíkum umbúðum sem við vitum ekki af? Ég óttast svarið en er kannske leynileg uppbygging stjörnusambandsstöðvar nú þegar hafin - með hjálp mannsins á götunni???