Þá er hvassnefjaði fréttahaukurinn hann Róbert okkar Marshall bara hættur.

Ef til vill full harkalegar sjálfspínslir, en samt. Prinsippmaður hann Róbert - blaðamenn verða jú að kunna á klukku.

Nú veit maður svosum ekkert hvað honum Róberti gengur til, það ku vera einsdæmi að blaðamaður rjúki svona á dyr, óforvarandis. Menn tala jafnvel um að þetta sé sögulegt, að Íslendingur kunni að skammast sín. Sennilega er hann þó að reyna að segja okkur eitthvað - eða einhverjum eitthvað. Eða eitthvað.

Ojæja, hvað um það. Það er á margan hátt ánægjulegt að sjá mann taka faglega ábyrgð á gjörðum sínum. Það er skrítið - og soldið gamaldags - en samt gaman.

Kannski fylgja fleiri í kjölfarið. Kannski skammast sín fleiri. Kannski, kannski ekki.

Sennilega ekki. Það er jú eðli góðra píslarvotta að taka á sig syndir annarra.