Nú vilja menn að blessaður borgarstjórinn segi af sér. Æi. Hættiði nú! Þórólfur Árnason er flinkasti stjórnandinn í bænum og ljómandi góður náungi.
Hvurslags sótgrenjandi þvæla er það að halda því fram að manninum sé ekki sætt á stóli borgarstjóra? Látið ekki svona! Þó hann hafi gert það sem yfirboðarar hans sögðu honum að gera í starfi fyrir einkafyrirtæki úti í bæ fyrir 10 árum síðan.
Þó hann hafi skrifað fundargerðir, m.ö.o. sinnt ritarastörfum, fyrir hina sönnu glæpamenn í þessu máli - hvað með það? Eigum við að afþakka framúrskarandi hæfileika og starfskrafta Þórólfs Árnasonar af því að hann er pólitíkus sem hefur einhverntímann á ævinni tekið þátt í vafasömu athæfi? Ég er ansi hræddur um að ef það væri reglan færi að hitna undir ansi mörgum bossum - og ansi feitum.