Afdrif landnámshænunnar hafa valdið fræðimönnum heilabrotum um langa hríð. Hvað varð um þessa glæsilegu skepnu? Hver urðu örlög hennar? Gufaði hún hreinlega upp eins og fiðruð risaeðla? Blandaðist hún öðru kyni og óæðra? Er hún ef til vill enn meðal vor?

Það gladdi mig ósegjanlega að lesa frétt þess efnis að nú væri búið að gefa út heilsteypt bókmenntaverk sem varpar ljósi á afdrif þessarar aðdáunarverðu skepnu - þó svæsnar deilur einstakra fræðimanna um efnið varpi óneitanlega dálitlum skugga þar á.