Lesbók27.10.03 — Númi Fannsker

Skv. nýrri skoðanakönnun vilja 68% landsmanna Ólaf Ragnar Grímsson áfram sem forseta. Það er dágóður slatti, en auðvitað er of snemmt að spökulera í slíku þegar fólki hefur ekki verið gerð grein fyrir valkostunum. Reyndar hefur Snorri Ásmundsson listamaður og heilari skýrt frá því að hann hyggist bjóða sig fram og sigra.

En hverjir eru hugsanlegir mótframbjóðendur Ólafs Ragnars og Snorra í næstu kosningum? Mér þætti gaman að sjá eftirfarandi frambjóðendur:

  • Ómar Ragnarsson - gæti orðið fyrsti rauðhærði leiðtogi lýðræðisríkis og fyndnasti þjóðarleiðtogi veraldar.
  • Þórhallur miðill - fengi góða hjálp frá munkum og indíánum hinumegin frá.
  • Sigga Beinteins - hefur sannað sig sem sanngjarna og réttláta manneskju í Idol-söngkeppninni.
  • Erró - Hvað eigum við annars að gera við Erró?
  • Rúnar Júlíusson - sem forseti gæti hann tekið við af forsætisráðherra Japans sem mest kúl þjóðarleiðtogi veraldar.
  • Dorrit M. Grimsson - þekkir djobbið og Sean Connery.
  • Bjartmar Guðlaugsson - þjóðin elskaði Bjartmar, hún getur lært að elska hann aftur.
  • Kristján Jóhannsson - hugsið ykkur forsetann að syngja þjóðsönginn á HM í handbolta!
  • .
  • Páll Pétursson - sérstaklega glæsilegur maður!
  • Björk Guðmundsdóttir - þekkir alla sem skipta máli
  • Ásgeir Sigurvinsson - Áfram Ísland!

Þrátt fyrir þennan (óska)lista yfir hugsanlega mótframbjóðendur Ólafs Ragnars og Snorra er aðeins einn Íslendingur sem allir vita að gæti fellt Ólaf Ragnar. Aðeins ein manneskja nýtur þess trausts og aðdáunar að geta, með miklum yfirburðum, sigrað sitjandi forseta í kosningum. Ein kona sem með brotthvarfi sínu úr stóli forseta Íslands skildi þjóðina eftir fulla af söknuði.

Góðu vinir, við viljum Vigdísi aftur sem forseta!


 
Enter — Forystugrein
 
Enter — Forystugrein
 
Enter — Sálmur
 
Númi Fannsker — Forystugrein
 
Enter — Sálmur
 
Spesi — Forystugrein
 
Númi Fannsker — Forystugrein
 
Enter — Forystugrein
 
Enter — Forystugrein
 
     1, 2, 3 ... 180, 181, 182