Hæstvirtur Olrich hyggst nú hysja buxur upp um berrassað marghýtt menntakerfi Íslendinga. Húrra fyrir því.

Halda þessum óalandi gemlingum innandyra meiripart ársins, taka þá á taugum í þéttriðnu prófaneti og flæma síðan úr landi ári fyrr. Húrra fyrir því!

Grisja þessa síkjökrandi sníkjustétt kennara. Sigta burt rasssíð letidýrin og svelta til hlýðni þá sem eftir krjúpa. Húrra fyrir því!!

Tæma loftlaus múrvirkin sem þegar standa, í stað þess að klambra upp rándýrum nýmóðins skólum; bólstruðum, vistvænum - sænskum. Húrra fyrir því!!!

Hæstvirtur Olrich, nú vantar bara skólabúninga, þá væri nú gaman að lifa. Húrra fyrir þér!!!!