Hvað er eiginlega með þennan páfa?
Á að láta karlræfilinn veslast upp fyrir augunum á manni?
Er ekki hægt að gefa greyinu frí, senda hann á heilsuhæli á einhverjum notalegum stað - finna handa honum góða konu sem passar upp á hann síðustu árin - líknardráp væri náttúrulega líka athugandi.
Þessar kardínáladulur hljóta að geta fundið einhvern í djobbið sem er ekki síslefandi eða fastur á dollunni þegar mikið liggur við.
Ef þá vantar mann þá er ég svo sem ekki að gera neitt sérstakt.
Ég sá í seinni fréttum íslenska sjónvarpsins í gærkvöldi að meðalhagnaður af sauðfjárbúum íslenskum er um ein milljón króna. Fyrir launagreiðslur! Hvurn fjárann eru menn að hokra þetta fyrir ekki neitt? Hvaða grængolandi endaleysa er þetta? Hvenær ætla menn að sjá að sér og skilja að það eru allt of mörg sauðfjárbú á Íslandi? Allt of margt fé. Allt of margir bændur. Það var beinlínis hlægilegt að horfa á þessi grey í sjónvarpinu hlaupandi á eftir verðlausum skjátunum sínum í sauðalitum lopapeysum. Í guðsbænum hættið þessum bjánaskap.
» Sálmar | » Gagnrýni | » Sögur | » Leikrit | » Siðir | » Heimsljós
