Rafmagnsleysi í Danmörku og syðri hluta Svíþjóðar - og hluti íslensku þjóðarinnar verður líkt og fyrir galdur sambandslaus við umheiminn.

Sér enginn neitt athugavert við það?

Er þetta þegar allt kemur til alls það sem við höfðum upp úr sjálfstæðisbaráttunni?
- Allt okkar upplýsingaflæði sigtað gegnum prívatsæstrengi Margrétar Þórhildar - marglesið og ritskoðað af dönskum konungsinnum.

Á ég að þola það?
Á ég enn að horfa upp á landið svívirt og smánað?
Á ég ekki bara að falla kjökrandi á kné og lófa - skríða skjálfandi undir pilsfald nikótíndrottningarinnar og þjónusta hana þar líkt og forfeður mínir?

Nei. Ég þverneita að láta bugast. Verði netsamband ekki komið á að fullu innan 15 mínútna mun ég persónulega ganga á fund þeirra Þórhildar og sænska konungsörverpisins og kaghýða þau með viðhafnarútgáfu Möðruvallarbókar, loka þau síðan inni og láta þau skammast sín í einum af þessum síbilandi kjarnaofnum sínum.