"Veðurstofan ráðleggur fólki að vera ekki að óþörfu á ferli utandyra á morgun og festa kyrfilega lausa muni sem gætu fokið."

Er nú þannig komið fyrir okkur?

Er okkur ekki lengur treystandi til að taka móti dulitlum norðvestan andvara?

Svei mér þá, ég bara neita að trúa því að við séum orðnir slíkir ofdekraðir, ofverndaðir aumingjar að við þurfum opinber tilmæli í hvert sinn sem hvessir á þessu skeri.

Persónulega ætla ég út í góða veðrið - blotna, frjósa og öskra mér til hita. Alla sanna Íslendinga hvet ég til slíks hins sama - aðrir geta flutt sig og sitt hafurtask til Danmerkur.