Mjög hefur verið rætt um svokallað "uppgjör" við Halldór Guðjónsson frá Laxnesi, en hann aðhylltist sem kunnugt er sósíalkommúnisma um tíma og heilaþvoði stóran hluta íslensku þjóðarinnar með hárbeittum og nákvæmum áróðri sínum. Vegna þessa hafa spakir menn viljað gera upp við Halldór þennan og hvergi hlíft honum í beinskeyttri gagnrýni sinni. Einn er þó sá maður sem íslenska þjóðin á enn eftir að gera upp við.

Fidel Castro einræðisherra, mannæta, níðingur og morðingi hefur verið við völd í frændríki okkar, Kúbu, um áratuga skeið og útvarpað þaðan lúmskum áróðri sínum yfir grunlausa íslenska þjóð. Honum hefur tekist að heilaþvo margan Frónverjann á svipaðan hátt og Halldór Guðjónsson frá Laxnesi gerði á sínum tíma átölulaust ár eftir ár og er nú svo komið að fjölmargir hafa hjúfrað sig að köldum faðmi kommúnismans, sem vitanlega er krabbamein nútímasamfélagsins, smánarblettur á sögunni og hættulegasta skoðanaform allra tíma. Fól(k) eins og: Steingrímur Jamal, Ingibjörg Sólrún og nú síðast Inga "jóna" nærast á spenvolgri mjólk lyga og blekkinga. Ég hvet því spaka menn eins og Egil, Jón Steinar, Hannes Hólmstein og Bubba Morthens til að dýfa nú staf sínum í blek sannleikans og gera upp við sálnaræningjann Fidel Castro. Íslenska þjóðin hrópar í örvæntingu á uppgjör, frelsið hana úr fjötrum hinnar stærstu lygar, sýnið íslenskri þjóð hversu mjög þið elskið hana!

Góðar stundir.