Lesbók13.03.03 — Fannar Númason Fannsker

Hópur einhleypra og fráskilinna er sá þjóðfélagshópur sem er í hvað örustum vexti nú um stundir. Stjórnvöld hafa gert fátt til að koma til móts við þennan hóp, sem oft á tíðum er utangátta í samfélaginu og þeir sem hann skipa einangra sig gjarnan - hirða hvorki um útlit sitt né framkomu og velta sér upp úr eigin sérvisku og volæði. Ef fram fer sem horfir mun samfélagið á næstu árum þurfa að takast á við þann vanda sem þetta fólk skapar, m.a. með sértækum aðgerðum eins og lögboðinni skráningu - ekki ósvipaðri skráningu atvinnulausra - þar sem hið félagslega kerfi getur haldið utan um hópinn og veitt honum leiðsögn og aðhald. Ein lausn gæti t.d. falist í einskonar "hjúskaparmiðlun" - þar sem fólki yrði raðað saman með aðstoð Hagstofunnar og t.d. gagnagrunna Íslenskrar erfðagreiningar. Það er ljóst að ýmsar aðgerðir ríkisvaldsins gætu hér bætt úr einkum þegar kemur að fyrrgreindri "hjúskaparmiðlun", en ekki síður á sviði afþreyingar og félagslegrar þjónustu annarrar.

Ég hef vegna þessa tekið saman dulítinn lista yfir hverskyns afþreyingu og félagslegt athæfi sem þessi hópur getur tekið sér fyrir hendur og vona að þetta innlegg mitt geti orðið þeim sem svona er ástatt um einhver huggun og hvatning til betra lífs.

1. Áfengi - Drekktu áfengi í miklu óhófi - þetta eykur líkur þínar á meðaumkun samfélagsins, gerir þig líklegri til að öðlast einhverskonar kynferðislega útrás (með annarri manneskju) og kemur í veg fyrir andvökunætur.

2. Sjónvarp - kynntu þér vandlega sjónvarpsdagskrána, sjónvarpið er prýðisgóð afþreying - í senn fræðandi og skemmtileg. Gott er að taka upp á myndband alla náttúrulífs- og fræðsluþætti, þannig takmarkar þú frístundir þínar og kemur í veg fyrir leiða.

3. Trú - Gakktu í sértrúarsöfnuð. þar má oft finna einstaklinga sem svipað er ástatt um og þig - ráðvillta, vænissjúka taugasjúklinga í leit að haldreipi og fótfestu í lífinu.

4. AA - Mættu á AA-fundi og hafðu meðferðis viskípela - þannig eignast þú fljótt vini, jafnvel af báðum kynjum.

5. Reykingar - Byrjaðu að reykja. Með því geturðu tekið upp samræður við bláókunnugt fólk um það böl sem reykingar eru og þörfina til að hætta.

6. Kaffi - Drekktu mikið kaffi. Á kaffistofum og kaffihúsum er jafnan fólk sem sífellt er reiðubúið að ræða bragðgæði þess kaffis sem neytt er hverju sinni.

7. Læknar - Pantaðu tíma hjá eins mörgum læknum og þú kemst yfir að mæta til. Á biðstofum leynast margar brotthættar sálir sem hægt er að "kynnast" og nota sér til framdráttar.

8. Námskeið - Farðu á eins mörg námskeið og tími gefst til. T.d. er námskeið í íslensku fyrir útlendinga vanmetin leið til að byggja upp sjálfstraust og kynnast nytsömu fólki. Þá er gott að þykjast vera útlendingur til að vekja aðdáun kennara og samnemenda á hve fljótt þú nærð tökum á málinu.

9. Samkynhneigð - Kynntu þér siði, venjur og framkomu samkynhneigðra. Konur heillast mjög af samkynhneigðum körlum og karlar eru geysispenntir fyrir lesbíum.

10. Völd - Reyndu að komast í valdastöðu, t.d. innan húsfélagsins, konur heillast sérílagi af mönnum með völd.

11. Bíllinn - Taktu hljóðkútinn undan bílnum, með því vekur þú óskipta athygli hvert sem þú ferð.

12. Hljómlist - Lærðu á hljóðfæri (óbó og fagott er einkar auðvelt að læra á), konur hreinlega elska poppstjörnur og karlar eru alltaf forvitnir um hið "launvillta eðli" kventónlistarmanna.

13. Fíkniefni - Prófaðu þau fíkniefni sem þú getur komist yfir - margar örvinglaðar sálir þrá það eitt að njóta samvista við aðrar örvinglaðar sálir.

14. Ljóð - Lærðu a.m.k. eitt ljóð utanbókar. Menntafólk nýtur alltaf hylli.

15. Viltu vinna milljón? - Reyndu að komast í "Viltu vinna milljón" - fjölmiðlafólk er aldrei einmana.

 
Númi Fannsker — Sálmur
 
Enter — Sálmur
 
Enter — Sálmur
 
Númi Fannsker — Sálmur
 
Númi Fannsker — Sálmur
 
Enter — Sálmur
 
Enter — Sálmur
 
        1, 2, 3 ... 180, 181, 182