Baggalútur

Sálmur – Enter

Í hinni alltumlykjandi söngvamynd 'the Sound of music' má finna lagið 'My favorite things'. Ég sá aldrei þá mynd.

bergja á blásýru,
brenna til ösku,
hverfa í kviksyndi,
kafna í tösku,
hrasa og hrapa
í hrjóstuga gjá
- dauðdagar sem ég hef dálæti á

kviksettur, krossfestur,
kyrktur í bræði
húðflettur, höggvinn
á háls, eða bæði
barinn til bana
á belgískri krá
- dauðdagar sem ég hef dálæti á

grýttur með gulrófum
grillaður, snæddur
gullsleginn grindverksstaur
gegnum mig þræddur
flattur af fílahjörð
fallinn í dá
- dauðdagar sem ég hef dálæti á

drukkní baði
drekka eitur
dópa sig í hel
þegar þú finnur á lífinu lausn
líður þér strax mjög vel

23/9/02

Fréttir

Enter – 21/5/13

Kolbeini kapteini meinaður aðgangur að kommentakerfum

Enter – 20/5/13

Paul McCartney semur fyrir Brúðubílinn

Enter – 18/5/13

Norður–Kórea lýsir yfir sigri í Eurovision

Númi Fannsker – 16/5/13

Búin að eyða endurgreiðslunni

Enter – 14/5/13

Stjórnarmyndunarviðræður fara fram á Snapchat

Útgáfa

Lesbók frá fyrri tíð

Síminn

Þá er blessaður Síminn kominn með nýtt slagorð, svohljóðandi:

"Þetta er þín hugmynd - við hjálpum þér að láta hana gerast"

Í þessari alltumlykjandi margmilljónkróna ímyndarbreytingu og yfirhalningu - hefði ekki mátt sjá af svosum eins og tíuþúsundkalli og fá einhvern atvinnulítinn prófarkalesara til að lesa þetta yfir? - eða bara einhvern með vott af tilfinningu fyrir íslenskri tungu, t.d. leikskólabarn?

Hefði það sakað?

Þvílíkir endemis málníðingar og orðsifjabarbarar.

Enter 19/1/04