Baggalútur

Sálmur – Enter

Þessi þýðing á þýska þjóðsöngnum birtist sem svar við fyrirspurn frá 14. maí 2002.

1.
Ótrauð reru á Rínarfljót
reginfífl og geldingar
með háleit markmið, heldur ljót
og heimskulegar meldingar
Ekki einn úr þeirri för
átti þaðan afturkvæmt
þeir vondum dalli ýttúr vör
veðrið heldur dræmt
:.: og Þýskaland er slæmt :.:

2.
Hundvot hengu á þeim föt
hattar, peysur, föðurlönd
ælan óð um sérhver göt
og ofviðri við sjónarrönd
Blóðugt var þá bitist um
brauðmola og drykkjarföng
öskur undir þiljunum
því ókindin var svöng
:.: og nóttin alltof löng :.:

3.
Að lokum óttinn tók í taum
og tryllti þetta litla fley
unz endalok á aumum draum
eltu uppi þessi grey
að lokum át þar maður mann
- möðkuð þýðversk erkisvín
skyni firrt er skipið brann
og á skólpi blandna Rín
:.: þýska sólin skín :.:

24/5/02

Fréttir

Enter – 3/6/13

Sumarfrí Baggalúts 2013

Númi Fannsker – 28/5/13

Margrét Þórhildur komin á stjá

Enter – 27/5/13

Ófrægingarbúðir Vigdísar Hauksdóttir fundnar

Enter – 23/5/13

Ný ríkisstjórn verður í háskerpu

Enter – 21/5/13

Kolbeini kapteini meinaður aðgangur að kommentakerfum

Útgáfa

Lesbók frá fyrri tíð

Hnífsdalsgöng

Hvað í þrívíðum þurrundnum þorskhausum á það að fyrirstilla að nefna nýjustu samgönguholu landsins Bolungarvíkurgöng?

Er ekki nóg hlaðið undir innlyksa útnárarassa bévítans víkaranna að tappatoga heilt fjall fyrir þá? Svo þeir geti valsað óhindrað á forugum ballskóm og uppþembdum heilsársdekkjum inn í óspilltan og ægifagran Hnífsdalinn allan ársins hring.

Þarf líka að kenna verksummerkin við þessa dauðhreinsuðu víkurómynd þeirra?

Einhverjum sætabrauðsnúðum hafa þeir troðið í gin samgönguráðherra til að fá þessa svívirðu samþykkta.

Svei attan.

Hnífsdalsgöng eru þetta og Hnífsdalsgöng skulu þau heita.

Enter 25/9/10