verið þið nú velkomin
til vítis - gangið inn
gaman að þið skylduð geta
glatt mitt lúna skinn
ekki vera vonsvikin
og ekki verða súr
hér er ekkert ofríki
og engin lokuð búr
nú, ykkur hefur efalaust
alloft verið sagt
að í aðalstöðvar andskotans
sé ekki mikið lagt
en raunin reynist annars lags
og rétt að koma að
að hér er ávallt afar hreint
og allt á sínum stað
hér syndir fólk í sýrópi
og svallar fram á nótt
þó um eittleytið sé æskilegt
að allt sé orðið hljótt
það er mötuneytá hægri hönd
herbergin hér innst
og lykillinn í afgreiðslunni
ef að hann þá finnst
fleira var það varla, jú
ég var að muna eitt
gaskyndingin gaf sig
svo það gæti orðið heitt
ég vona svo þið venjist fljótt
að vera ofurseld
við freistum þess að fjölmenna
á félagsvist í kveld