Baggalútur

Forystugrein – Enter

Enter

Köntrísveit Baggalúts heldur Vortónleika sína í Gamla bíói á föstudaginn, 11. maí.

Af því tilefni tókum við okkur til og endurgerðum þjóðþekkta
ljósmynd sem var tekin árið 2006 við gamla braggann í Nauthólsvík.

Fyrirsæturnar á nýju myndinni eru hins vegar ekki meðlimir sveitarinnar, heldur feður þeirra. Og taka þeir sig ekki síður vel út í strandköntrígallanum en synirnir.

Hér er nýja myndin:

Og hér er sú gamla:

Tónleikarnir hefjast kl. 21.00 og ætlar Baggalútur að slá upp mikilli köntríveislu með tilheyrandi húllumhæi. Húsið opnar 18:00 og getur fólk hresst sig við fyrir tónleikana í glæsilegum salarkynnum á efri hæð Gamla bíós og notið skemmtiatriða og góðs félagsskapar. Miðasala er á fullu blússi HÉR.

Jííííííííha!

9/5/12

Fréttir

Enter – 23/5/13

Ný ríkisstjórn verður í háskerpu

Enter – 21/5/13

Kolbeini kapteini meinaður aðgangur að kommentakerfum

Enter – 20/5/13

Paul McCartney semur fyrir Brúðubílinn

Enter – 18/5/13

Norður–Kórea lýsir yfir sigri í Eurovision

Númi Fannsker – 16/5/13

Búin að eyða endurgreiðslunni

Útgáfa

Lesbók frá fyrri tíð

Úkraína

Hvaða mjólkurblandaða bavían datt í hug að senda hæstvirtan forsætisráðherra til Úkraínu í opinbera heimsókn?

Hvurn ýlduklepraðan andskotann vilja Íslendingar þangað?

Varla ætlum við að fara að versla bensínblandin hrísgrjón og stökkbreytt hænsn þarna austan úr bakrauf siðmenningarinnar - úr þessu guðsvolaða smurolíubarbaríi.

Og hvað ættu þeir svosum að vilja frá okkur? Maltöl? Kremkex? eða kannske sýrustillandi sjampó?

Svona bitlingaklám er gersamlega yfirdrifið mínum skiningi.

Og hvað er líka verið að drösla Davíð Oddssyni þetta austur fyrir hreinlætisbaug - er Halldór ekki fullgóður í þetta skrælingjasnatt lengur?

Og eitt í viðbót!

Hvusslags þjóðníðingsháttur er það að senda sjálfastan yfirstrumpinn í kaffi, kruðerí og annað vellystingarunk í Kænugarði á sama tíma og aumir þegnar hans eru að hefja lönguföstu.

Sveiattan.

Enter 24/2/04