Þá er sumardagurinn fyrsti runninn upp, veður með allra besta móti - sól og blíða og ef ég þekki mitt fólk rétt þá verða stuttbuxur og hlýrabolir komnir í tölu útivistarfatnaðar áður en dagur er að kveldi kominn.

Baggalútur fagnar að sjálfsögðu sumarkomunni með litlum lagstúf, ættuðum frá henni Ameríku - í flutningi Tony Ztarblasters og félaga.

Lagið lýsir á átakanlegan hátt þeirri óbilandi bjartsýni, hugrekki og heimtufrekju sem sumardagurinn fyrsti stendur fyrir.

Því hverjum öðrum en Íslendingum dettur í hug að fagna sumarkomu um hávetur?

Lagið má finna hér.