Baggalútur

Forystugrein – Enter

Enter

Svo virðist sem hugmyndaflug þjóðarinnar sé ansi takmarkað þegar kemur að því að velja þjóðlega rétti í þorrabakkann. Hér eru nokkrir ljúffengir rammíslenskir réttir til að lífga upp á þorrablótin:

1. Súrsætir refspungar.
2. Lóulifrarpylsa.
3. Sviðin hafarnahöfuð.
4. Djúpsteiktar hagamýs.
5. Krossköngulóapaté.
6. Kæst kúajúgur.
7. Fjárhundablóðmör.
8. Blönduð hákarla- og hrútaberjasulta.
9. Súr köttur.
10. Brennivín í lýsi.

Bon appetit!

20/1/12

Fréttir

Enter – 18/5/13

Norður–Kórea lýsir yfir sigri í Eurovision

Númi Fannsker – 16/5/13

Búin að eyða endurgreiðslunni

Enter – 14/5/13

Stjórnarmyndunarviðræður fara fram á Snapchat

Enter – 13/5/13

Afnema veiðigjald útigangsmanna

Enter – 11/5/13

Vill leyfa áfengissölu á kommentakerfum

Útgáfa

Lesbók frá fyrri tíð

Áfram íslam

Jæja, þá eru menn farnir að skrúfa fyrir ógeðfellda kjaftaskúma sem rægja íslam, ein af mínum eftirlætis trúarbrögðum, á alnetinu.

Og ekki seinna vænna.

Er það gert á grundvelli minnar eftirlætis lagaklausu. Æ, þið vitið, 233. grein almennra hegingarlaga, svohljóðandi:

„Hver sem með háði, rógi, smánun, ógnun eða á annan hátt ræðst opinberlega á mann eða hóp manna vegna þjóðernis þeirra, litarháttar, kynþáttar, trúarbragða eða kynhneigðar sæti sektum eða fangelsi allt að 2 árum.”

Takið eftir þessu með háðið og trúarbrögðin. Ég er sérstaklega hrifinn af því. Gefur þessu nauðsynlega vigt – og ógn.

Hamingjunni sé lof að við eigum slíka anganklausu í okkar góða lagasafni, sem veifa má framan í illgjarna orðníðinga og hvers kyns andfélagslegt hyski annað.

Því hvað gengur slíkum mönnum eiginlega til? Má fólk ekki hafa sína sérvisku í friði? Sína kufla og sínar kreddur?

Hvernig getur nokkrum manni t.a.m. verið uppsigað við svona lítið heilaþvegið krútt?

Enter 18/4/08