Lesbók06.01.12 — Enter

Þá er búið að úthluta blessuðu flennihlussubjálkavirkinu til íþróttamanns ársins. Reyndar er búið að minnka umfang verðlaunagripsins töluvert, en ódauðleg hönnunin fær að halda sér. Sem er miður.

Um leið er umfang afreka íþróttamannsins minnkað talsvert og sjóndeildarhringur dómnefndar sömuleiðis þrengdur. Að þessu sinni var dugmikill boltadrengur fyrir valinu, þrátt fyrir himinöskrandi tilkall fjölmargra boltatelpna og afrekskvenda til titilsins – og dvergbjálkavirkisins.

Ég get ekki lagt nógu ríka áherslu á að við umbunum íþróttakonum með ríkulegum og áberandi hætti, annars er hætta á að þær flosni upp úr íþróttastarfi og leiti á önnur mið. Til dæmis í stjórnunarstörf eða hreiðri í auknum mæli um sig í stjórnsýslunni sjálfri – geri jafnvel tilkall til ráðuneytis fjármála.

Sem er grafalvarlegt mál.

 
Enter — Forystugrein
 
Enter — Forystugrein
 
Enter — Sálmur
 
Númi Fannsker — Forystugrein
 
Enter — Sálmur
 
Spesi — Forystugrein
 
Númi Fannsker — Forystugrein
 
Enter — Forystugrein
 
Enter — Forystugrein
 
     1, 2, 3 ... 180, 181, 182