Baggalútur

Forystugrein – Enter

Enter

Hananú! Ætla nú oföldu ríkisbubbarnir í honum Noregi að sníkja af okkur smjör?

Okkur!?

Litla ljóta andarunganum, sem svamlar nú yfirgefinn og afskiptur úti í ballarhafi í eigin skuldasúpu.

Ætlar nú nú gamli gírugi frændinn, sem ekkert hefur viljað með okkur hafa – að laumast með olíubornar krumlurnar ofan í smjörstampinn okkar, eins og ekkert sé sjálfsagðara?

Hvað næst, vilja þeir ekki bara éta frá okkur kornflexið og sofa hjá konunum okkar?!

Þvílkir endemis andsvítans hrokagikkir.

Geta þeir ekki bara étið allt þetta skíðavax sitt? Og skolað því niður með hráolíu?

6/12/11

Fréttir

Enter – 23/5/13

Ný ríkisstjórn verður í háskerpu

Enter – 21/5/13

Kolbeini kapteini meinaður aðgangur að kommentakerfum

Enter – 20/5/13

Paul McCartney semur fyrir Brúðubílinn

Enter – 18/5/13

Norður–Kórea lýsir yfir sigri í Eurovision

Númi Fannsker – 16/5/13

Búin að eyða endurgreiðslunni

Útgáfa

Lesbók frá fyrri tíð

Niðursetningar

Svo það sé örugglega á hreinu.

Þegar skuldir lánsjúku súpusetanna verða afskrifaðar, verða þeir þá ekki örugglega fluttir spriklandi í úthverfafjölhýsi sem hæfir þeirra greiðsluvilja?

Og verða þeir ekki ábyggilega dregnir úr afskrifuðu flennijeppunum og troðið í rindilbifreið sem hentar þeirra niðurfærðu greiðslugetu?

Má ekki treysta því?

Mér þætti nefnilega fimbuldrulluandskoti hart ef hams- og hömlulausu niðursetningarnir sætu áfram í hégómahöllunum hátimbruðu og æku enn smáreðurbótadruslunum sínum þegar ég hef yfirtekið yfirdráttinn þeirra.

Því ríkið – það er því miður ég.

Enter 16/9/09