Málsmetandi menn hafa stigið fram fyrir skjöldu og lýst því yfir að ný Jesúauglýsing sé ósmekkleg. Þeir um það. Mér finnst þessi auglýsing ekki ósmekkleg. Þvert á móti finnst mér hún mjög smekklega gerð í alla staði. Vel leikin og fallega tekin. Hins vegar dettur mér margt ósmekklegt í hug sem Síminn og Jón Gnarr hefðu getað gert í staðinn, hefðu þeir ætlað að vera ósmekklegir. Hér eru nokkur dæmi:

1. Klæða Vigdísi Finnbogadóttur upp eins og móður Theresu og láta hana dansa einkadans fyrir Adolf Hitler.

2. Láta Gunnar Inga Birgisson og Árna Johnsen spila strandblak á G-streng einum fata.

3. Setja á svið kettlingakappát.

4. Láta Jesú og lærisveinana borða mannakjöt í síðustu kvöldmáltíðinni.

Þetta er allt miklu ósmekklegra en Símaauglýsingin og margt sem mér datt í hug var svo ósmekklegt að það rataði ekki einu sinni á þennan lista. Meðal þess sem kom fyrir í þeim hugmyndum eru: Forsetahjónin, heróín, biskupinn, hommar, sýróp, ókjör af sleipiefni, Guðmundur í Byrginu og fleira og fleira og fleira...