Kæra fésbók.
Nei, ég vil ekki vinna 50.000 krónur. Ég vil heldur ekki vinna æpaddtvö eða djúpglufudekur hjá Dillibossasetrinu. Mig langar ekki rassgat í Samsung Galaxy farsíma, hversu fullkominn sem hann þykist vera – og ég hef nákvæmlega engan áhuga á að eignast úr með ösku úr Eyjafjallajökli. Mér býður við mysupróteini og fyrr botnfrýs í helvíti áður en ég *læka og kvitta* fyrir franskættuðum maskara. Ég hef alla þá fallegu húð sem ég þarf á að halda og plokka mig og mín hár sjálfur ef þörf krefur – með eða án 50% afsláttar.
Þannig að, mín kæra, þú mátt troða öllum þínum æfónfimmum, tveimurfyrireinum og ljúffengu morgunverðarhlaðborðum upp í ólúbaðan lækhnappinn á þér.