Baggalútur

Forystugrein – Enter

Enter

Það er nú meiri óbilandi andskotans aumingjagæskan sem tröllríður þessu þjóðfélagi.

Ósjálfbjarga aumingjum og þurfalingum er daglega bjargað úr eigin gryfjum og gildrum. Allt gert til að létta undir þeim og allt kapp lagt á að þrífa eftir þá skítinn og skömmina.

Já, það er gott að vera aumingi á Íslandi.

Ógeðslega ríkur og umsvifamikill aumingi – auðmingi.

Og mikið vona ég að aumingjans aumingjarnir fái allar sínar skuldir fyrirgefnar og afskrifaðar – svo þeir nái nú auðæfum sínum og allsnægtum sem fyrst aftur. Komi undir sig fótum sínum og fyrirtækjum án óþarfa tafa og tilfærslna. Því þeirra bakland er ríkið – mátturinn og dýrðin.

Hinir sem ekkert áttu og aldrei nutu neins, hafa jú einskis að sakna og engu að tapa. Enda ekki aumingjar.

17/12/10

Fréttir

Enter – 21/5/13

Kolbeini kapteini meinaður aðgangur að kommentakerfum

Enter – 20/5/13

Paul McCartney semur fyrir Brúðubílinn

Enter – 18/5/13

Norður–Kórea lýsir yfir sigri í Eurovision

Númi Fannsker – 16/5/13

Búin að eyða endurgreiðslunni

Enter – 14/5/13

Stjórnarmyndunarviðræður fara fram á Snapchat

Útgáfa

Lesbók frá fyrri tíð

Flugvöllurinn

Þessi flugvöllur þarna í Vatnsmýrinni. Þessi á bak við Umferðamiðstöðina. Er hann alveg að dansa?

Nú hef ég í sjálfu sér ekkert á móti því að hafa flugvöll þarna, svona í prinsippinu. Fínt að nota plássið undir eitthvað gáfulegra en að fylla það af KR-ingum. Svo er auðvitað ómetanlegt að geta skellt sér í fallhlífarstökk án þess að þurfa fyrst að paufast til Keflavíkur.

En þá er það líka upptalið - og það er akkúrat það sem ég hef dulitlar áhyggjur af. Nefnilega notagildi þessa ágæta vallar.

Nú þykist ég vita að megnið af utanlandsferðum Íslendinga fari gegnum flugstöð Leifs Eiríkssonar. Eins get ég nokkuð örugglega bölvað mér upp á að þeir ferðamenn sem hingað eru narraðir fari í gegnum þá sömu stofnun, sem er auðvitað ekki nokkur hemja.

Eða finnst ykkur það? Að bjóða þessu ágæta fólki uppá að lenda þarna í miðju hrauninu, dauðþreytt eftir fleirihundruðtíma flug. Það er bara ómannúðlegt - í besta falli andstyggilegt.

Á meðan stendur Reykjavíkurflugvöllur, þessi fíni völlur, eins og illa gerður hlutur, auður og yfirgefinn. Hvernig væri nú að brúka hann undir eitthvað af öllum þessum rellum sem hingað streyma? Ha? Sletta smá málningu á miðasöluskúrinn, selja makkintoss og kenna starfsfólkinu dönsku. Fá doltið líf í tuskurnar í þessum svokallaða miðbæ, sem allt lifandi drepur.

Það er auðvitað út í hött að hafa allt þetta malbik þarna og nota það svo ekkert. Eða það finnst mér í það minnsta.

---

Mér skilst reyndar - til að gæta hér sanngirni - að völlurinn sé stundum notaður til að koma Mogganum og Fréttablaðinu „út á land“, eins og það er kallað. Það er að segja, ef ekki er ófært.

Enter 2/3/05