Jæja. Rosalegt þetta með hann Sigurð Einarsson. Hann er búinn að vera eftirlýstur af Interpol í mánuð. Rosalegt. Á flótta undan lögreglunni. Stöðugt að breyta um útlit. Skipta um nöfn. Skipta um númeraplötur á bílnum. Í stöðugum ótta við að upp um hann komist og hann verði færður í fangelsi.

Rosalegt.

Bara ef Interpol vissi nú hvar hann er niðurkominn. Þá yrði hann vitaskuld handtekinn samstundis og færður í yfirheyrslur. Þetta er nú einu sinni Interpol og þeir eru náttúrulega ekkert að lýsa eftir mönnum upp á djókið. Eða er það nokkuð?