Rosalega er ósanngjarnt að líkdólgurinn úr Neskaupstaðarmálinu sem sagði sannleikann við yfirheyrslur skuli ekki hafa fengið vægari dóm en félagar hans. Hann ók reyndar bílnum, sökkti líkinu og stakk það í belginn ítrekað til að það flyti nú ekki upp - en samt, þetta er ekki sanngjarnt.

Svo fundust á heimili hans loftriffill, skammbyssa, haglabyssur, 20 hnífar, lásbogar og gormakylfa (hvað sem það nú er) - en ég meina, það er ógeðslega ósanngjarnt að hann skuli ekki fá vægari dóm en hinir sem fengu far með honum til Neskaupstaðar. Hann sagði nefnilega satt og það er vitaskuld ekki hægt að ætlast bara til þess og finnast það sjálfsagður hlutir.

Mikið ógeðslega er þetta ósanngjarnt.