Greiðendur fasteignagjalda!
Munið að þótt þið eigið í raun minna en ekkert í húsunum ykkar og bankinn gæti hirt þau af ykkur hvenær sem er, þá verðið þið samt sem áður að borga fasteignagjöldin. Svona erum við ógeðslega sniðug!
Sveitarfélögin
Auðtrúa asnar athugið!
Myntkörfulánin sívinsælu eru komin aftur!
Bankarnir
Nauðungaruppboð
Hreindýrasleði. Átta hreindýr. Rauður galli (XXXL) og nýuppgerð stúdíóíbúð á Norðurpólnum (áhvíl. 87 millj.).
Draugar athugið
erum með mikið af fallegum eignum í sölu víða á höfuðborgarsvæðinu.
Félag fasteignasala.
Vel með farið
eintak af spennusögunni „Þrír um leyndarmálið“ fæst í skiptum fyrir heillegar snjóþvegnar gallabuxur. Fullum trúnaði heitið.
Alltaf les maður eitthvað nýtt og skemmtilegt. Og upplífgandi.
Síðasta heilsubótarlesningin fjallaði um ráðherraábyrgð. Haldið þið ekki að hún fyrnist bara á þremur árum?
Sniðugt.
Slefar sumsé ekki yfir eitt kjörtímabil.
Sem leiðir huga að einu og öðru. Til hvers er verið að setja svona lög – og fyrir hvern? Og er eitthvað sérstakt því til fyrirstöðu að sturta svoddan gallgapandi dellu niður næsta tiltæka klóakrör?
Annað en ábyrgðarlausu fáráðlingarnir sem hafa hag af þeim?
Baggalútur er hýstur með stolti hjá SKÝRR
egg
kringilegt kostulegt
kasta í unnustu
það
brotnar á baðinu
blotnar í vatninu
það
rennblautt og rjúkandi
rauðan í hárinu
hún
rekur upp rosa skræk
reiðist mér samstundis
og
nær sér í nærbuxur
nakin og ilmandi
þær
komnar á krúttið mitt
klæðana naumlega
hún
brjáluð á brókinni
blótandi egginu
það
ekki jafn ávala
orðið að gumsigums
ég
snerti með snoppunni
snjóhvíta öxlina
við
erum jú elskendur
ættum að ræðetta
ég
klíni á kvið hennar
klípu af tannkremi
hún
hristir sig, hrindir mér
hrækir í andlit mér
samt
guð hvað þú gafst henni
girnilegt vaxtalag
ég
elska þig alltaf hreint
ó viltu giftast mér???
þá
allt útaf egginu
eins og ég sagði þér
fannst mér ég labba á vegg!
Óska hér með eftir að vera boðið í gott júróvisjónpartí í kvöld. Lofa að setja ekkert út á lagasmíðarnar og að fara ekki að semja neitt á heimilistækin eftir miðnætti.
